《唔該收起「香港」二字 唔撚關我地事》

文:添馬艦

  最近在中國一連發生了兩件事情,也是和Loveliver(下稱LLer)有關,也和香港有關。第一件事情是LoveLive吹水區出現了一個宣傳,內容是上海LLer計劃派發的「CallBook」,計劃名稱為「『執輸行頭 慘過敗家』HongKong liveviewing 應援call本計劃」,單單是,計劃名稱已引起不滿,上海人卻使用「香港」名義更是令人費解。更甚的是,Call本預覽圖中更使用官方版權繪+聲優簽名,這個行為更引起進一步的不滿。

註:コール(Call):泛指Fans於Live中拍手、揮動螢光棒、在某特定歌曲或歌詞出現時呼喊出特定的片語

  另一件事情是,Lovelive Final Live明天舉行,廣州有LLer發起應援企劃,包括拿簽名板進場(重20kg),分發名信片,完場合照 以及 穿著義工限定的T恤,而最後亦表示會將照片傳到日本媒體及收集贊助資金,作為記認的A4紙牌更印製寫著「中國-香港」的字眼,引起廣泛不滿及理論,最後更引發罵戰。

  兩件事件也牽涉「香港」的名字被盜用,基於多方都係用廣東話,呢篇文就用白話文寫。

  開場白唔多講:你要做應援Event咪做囉,拖香港落水做乜鳩呢?
先講Call本果單,又用版權繪又用簽名,雖然預左中國無乜版權意識,但連踩2個地雷(版權繪+簽名)真係賞心悅目,令人震驚。作為上海人又用香港名,你係咪睇唔起自己家鄉上海?喂,話哂上海CP同人展都係中國頭3位既同人場呀?搞乜咁自悲呀?你記住呀,香港既Call本係唔會用版權繪同簽名,最少都搵同好畫同人圖架,麻煩收起你地計劃名中「Hong Kong」二字,

唔撚關我地事

 

01

  再講廣州企劃果單。

  嗱,除左香港有直播之外,我真係唔明點解要拉埋香港落水,再加上,發起企劃既你都唔係香港道睇,你自己都飛左去11區啦!你話人地險惡,你自己又串串貢。喂,你個企劃掂就話無野咋,你衰撚左咪香港揹飛?你柒唔緊要,你仲要拉埋一個同你唔關事既地方一齊柒,人地嘈你就正常嗱係咪?比著我地香港用廣州名義搞活動你地都會嘈啦係咪?

  退後一百步來講,寫「廣州」兩個字好失禮你咩?我唔認為你寫「廣州LLer發起的應援活動」有咩問題?如是者,你嘅應援部份範圍連台灣都去埋,點解又唔寫「中國-香港-台灣」?喂,你分開香港又唔寫台灣,你咩居心先?

  好老實,筆者一直認為香港同廣州既距離好近,絕對可以共存,依加你簡直搞臭廣州呢個名啦!

  最後,點解要贊助?點解唔係發起人集資?好老實,香港發起過好多活動(包括Call本同聲優應援)都係發起既組織自行籌募資金。點解唔集資?好簡單,因為如果對外集資你就要交代資金流動同埋公開財務報表,以確保資金無被濫用同埋比人私吞,剩餘資金仲要對外公開點用,我地先會考慮投資。你依加事後先至收贊助,我只會覺得你係圖謀不軌。

  上面已經唔講政治成份既野,真係唔係地緣政治/中共/香港既問題,係好簡單既基本邏輯問題。

  你肯發表一個企劃絕對係好事,但請你搞清楚主場先。我地香港LLer(甚至動漫迷)絕對唔會買你既帳,係絕對!

  麻煩你好好咁處理善後,比大家好好有下台階。

 

事件Link

上海Call本企劃:

https://www.facebook.com/groups/lovelivesif/permalink/957274834368894/

廣州LL Final Live應援企劃:

https://www.facebook.com/groups/lovelivesif/permalink/948543281908716/

「中國―香港」被代表:

https://www.facebook.com/1645521678993657/photos/a.1648196128726212.1073741830.1645521678993657/1720131421532682/?type=3&theate

發佈留言

發佈留言必須填寫的電子郵件地址不會公開。