《去過日本就知 香港Cosplayer其實好幸福》

文:好小子

每次去完日本,都有種感覺在香港玩COSPLAY其實好幸福好容易。今次旅程有幸直接去了日本影樓私影,亦拜訪了很多跟COSPLAY有關既地方,都感覺到在日本出COS的各種困難。

 

中午三時就要解除裝備

去EVENT,用東京遊戲展(簡稱TGS)和COMIKET做例子,必定要先比500日圓作為COSPLAY登記費,800日圓行李寄存費(選擇性, 唔比就要拖住行李周圍跑)。更衣室方面無獨立更衣格,男女各自一間大房間,仲要一早去同一般入場人士排隊,越遲到就越遲先入到去。

 

COMIKET係4點關門,3點就會有職員開始提醒COSER們準備番去更衣室換衫,3點45分左右更衣室就會關門。換得遲換得耐分分鐘玩唔夠一兩個鐘就要走。明文規定所有COSPLAYER都唔能夠預先穿著COS服去會場,亦都唔能夠著住COS服離開會場。按照香港COSER去EVENT的時間習慣,大概可以原車折返…

 

cos道具規限多

至於帶cos道具去event,規限條件十分多亦都十分繁複,由其是TGS和COMIKET既道具限制條例。角色衣服選擇方面限制也很多,唔係你想攞乜野去就攞乜野去會場用。

(規則詳情請參考以下連結:http://expo.nikkeibp.co.jp/tgs/2015/zh-TW/visitor/cosplayers.html)

 

買服貴 造服一樣貴

係日本出COS,每件COS服平均最低消費12000日圓(見下圖),成品衣服布料方面質素唔高亦無乜選擇,SIZE一般就只有S,M,L 三種可供選擇。如果對服裝有天高要求,或者係現成SIZE唔合適的話,解決方法只有兩個,一係自己車,一係就搵個識車衫既朋友幫忙。日本的布質十分優良,但相對地也十分昂貴,是學生難以負擔的價錢,手作COS服,不是有衣車又識車衫就能解決。

 

12345

 

假髮的話一個平均也要都二千至三千日圓,顏色同種類選擇很多,但無造型無修剪,全部要自己之後處理。

 

道具就更加要自己親手製造,在日本很難找到道具師,即使比你搵到,一件好簡單既道具至少都收你幾萬日圓,唔係唔想收你平少少,而係日本既材料成本真係貴,人工更加不在話下。

 

去私影/出EVENT唔會次次都有攝影師隨行免費幫你影相,最穩陣就係自己出錢請,再唔係就搵朋友幫手,再唔得就用腳架自拍。

 

在日本出一個COS的成本是香港既4-6倍左右,皆因他們無淘寶網,材料人工貴,幾乎所有用品都要人手製作,而唔係用機器批量生產。

 

日本有些地方不能戶外私影

在日本COS戶外私影,唔係你想係邊到影就可以去邊到影,有好多具特殊意義既特色建築物,例如城堡和寺廟普遍都係禁止特殊攝影活動,但當中亦有可以經過申請獲取特殊攝影授權。日本社會風氣某程度上並未好開放,可以接受有人隨處COSPLAY私影。不過又未至於完全唔可以在戶外進行COSPLAY私影。只要唔係城堡和寺廟等特殊地點、攝影師唔係開壇形式、COSPLAYER人數不多,而是輕裝少人既快閃模式相信並唔會引起問題。

 

日本對手工藝的重視

旅程既其中一日行經中野BROADWAY某間COSPLAY用品服裝店,順便攞左一份買取(意即收購)表 (見下圖),開價唔低。不過黎類商店既收購門檻係只收廠製品,另一方面睇得出就係收購價唔低意味著售出價更高。

 

89

 

從其他方面睇,我覺得他們無睇小手工藝這一回事,因為佢地唔會將價錢壓低得太過份,唔會比人有種太貶低的感覺,唔存在用1元既價錢買到100元水準既野。個邊既道具製作者和衣服製作者都有自己應有既操守,製作水準太差既成品唔會攞出黎賣,而店舖亦唔會收來轉售圖利,相對地製作水準好既成品唔會賣得平。

 

所以有時候看到香港COSPLAYER討論假髮貴和衣服貴,道具製作價又的開價高,EVENT入場費和COSPLAY登記費昂貴,真的有點看不過去。沒有人說過玩COSPLAY是一門便宜的興趣,好多人被淘寶養大了胃口但卻不了解外面其他地方的COSPLAYER在最基本的地方也面臨問題。


日本COSPLAY的優勢

不過係日本做COSPLAYER並唔係樣樣野都咁負面既咁舉步維艱既,日本個邊既COSPLAY影樓係真心抵玩,只須要三千幾日圓就可以全日享用幾千尺影樓內所有景區,每位入場既COSPLAYER都可使用由場地提供既一個大型儲物櫃,化妝間好大不過無凳坐,全程都要企係到化妝,超親切地有晒落妝要用既基本野。影樓內仲有埋餐廳唔怕餓死,不過前提係最好搵到有人揸相機幫你影相啦。

boss@hkdoujin.com'

好小子

香港人,由中學開始接觸動漫和COSPLAY,至今超過10年。喜愛收藏各種玩具,現在最大的興趣是去其他地方的動漫EVENT感受當地文化和氣氛。 FB專頁 https://www.facebook.com/好小子BOSSCosplay-317055391822535/

More Posts

Follow Me:
Facebook

boss@hkdoujin.com'

好小子

香港人,由中學開始接觸動漫和COSPLAY,至今超過10年。喜愛收藏各種玩具,現在最大的興趣是去其他地方的動漫EVENT感受當地文化和氣氛。 FB專頁 https://www.facebook.com/好小子BOSSCosplay-317055391822535/

發佈留言

發佈留言必須填寫的電子郵件地址不會公開。