《Pokemon Go多次錯判 營運面臨的巨大危機》

文:Dixon Cheung

 

作為一位遊戲設計師,Pokemon Go呢款遊戲已經唔再係玩與唔玩嘅抉擇,而係冇得唔研究嘅功課。結果玩咗10日之後,我越來越發現呢個遊戲嘅處境嚴峻。尤其最近一次嘅update,Niantic幾個改動令好多人好嬲。點解會突然作出咁嘅改動?可能問題其實係來自一d早於開發遊戲初期已經埋藏咗嘅錯誤決定。

 

— 腳板系統慘遭刪除 —

2016080609383620160806093919

根據Niantic最初發表嘅資料,Pokemon Go原先嘅玩法應該係想用GPS話俾玩家知附近有咩Pokemon,距離以及方向大概喺邊,等玩家唔需要盲目靠運氣。可惜自遊戲推出以來,好多地區嘅玩家都話個腳印系統唔work。如果小問題的話,通常開發商都會執一下bug,更新一下就可以解決。但Niantic今次update竟然唔係執bug,而係索性將個腳印系統攞走咗…. 咁嘅可能性有三個,一係就個功能要大維修,一係就處理唔到問題要重新搵個新方法(會郁動到遊戲核心)。兩者都係應該開發時候已經知道嘅Technical問題,點解會而家先嚟反應?至於第三個可能性係,將雷達抽出嚟,當限時道具俾人用真錢買。咁即係暗示,官方覺得賺Pokeball同Lure都未夠,要連遊戲核心之一都要拆嚟賣錢…. 點解會咁?

2016080609392320160806093910

— 提高難度延遲死期 —

另外,Pokemon Go最近突然大幅調高捉小精靈嘅難易度。一隻10CP嘅小精靈都可以爆開Pokeball幾次,呢個舉動暗示咗Niantic錯誤估計玩家消耗content嘅速度。響未有新content嘅情況下,調高難易度嚟減慢玩家進度,響MMORPG上係經常都可以見到。呢種做法響早年嘅《World of Warcraft》更加係相當有名。作為一間同Blizzard一樣位於美國嘅公司,Niantic唔可能唔知道調高難易度呢個舉動會引嚟玩家鼓譟。但點解明知會出事都依然要孤注一擲?

 

上面兩個問題,其實答案都係同一個。「錯判市場反應,冇擺放適當嘅資源落個project度。」當羊毛長在羊身上,低估需要嘅資源之後,唯一解決方法就係開源(拆嘢出來做In-App)以及節流(加強難度)。

 

— 成也品牌敗也品牌 —

Pokemon係世上號召力最強嘅3大IP之一(其餘嘅係Disney同Marvel)同IP代理傾過合作嘅人都知道,絕大部份IP持有人所講嘅「合作」同「投資」,只係表示佢願意俾佢個IP你使用(甚至只係收平D)。對於開發者嚟講,冇真金白銀投放開發嘅「合作」,開發費用就變咗要由開發者自己墊支出黎。所以站於開發者嘅立場嚟講,同IP合作其實就係賭究竟出黎件事有冇錢分。好多時候開發者為咗降低風險,唔想額外投資太多公司嘅資源落個project度,只係盡量用現有嘅嘢,等個產品出黎有咗效果之後先再諗下一步。我個人當然唔會知道任天堂,Pokemon以及Niantic嘅合作協議內容,但從各種跡象估計,實在好難令人唔諗起IP合作嘅陷阱。

 

從Niantic一開始要封地區續步開放遊戲,到而家技術出問題嘅後知後覺,再到唔夠content用而要調高難度。一切都暗示Niantic錯誤估計呢個遊戲所需要嘅資源。假若Pokemon Company同任天堂無法突破傳統IP持有者嘅思維,加上Niantic無及時投放適當嘅資源,呢個史上冒起得最快嘅遊戲,好容易會變成史上最快爆破嘅泡沫。

 

而家時間係Pokemon Go最大嘅敵人。究竟Niantic而家再擺資源落嚟個遊戲,後加嘅content同遊戲核心嘅問題趕唔趕得上玩家棄game嘅速度?大家拭目以待啦。

Dixon

擁有超過30年遊戲玩家經驗,熱愛挖掘全球各地不同遊戲,涉獵範圍包括:家用遊戲機、電腦遊戲、手機遊戲和卡牌桌遊等。曾任職廣告公司擔任創作總監,擅長將遊戲引入各種企劃。於2013年創立獨立遊戲開發團隊,先出擔任該團隊遊戲設計師及監製一職。 Facebook Page: www.fb.com/dixon.gamer

More Posts

Follow Me:
TwitterFacebook

Dixon

擁有超過30年遊戲玩家經驗,熱愛挖掘全球各地不同遊戲,涉獵範圍包括:家用遊戲機、電腦遊戲、手機遊戲和卡牌桌遊等。曾任職廣告公司擔任創作總監,擅長將遊戲引入各種企劃。於2013年創立獨立遊戲開發團隊,先出擔任該團隊遊戲設計師及監製一職。 Facebook Page: www.fb.com/dixon.gamer

2 thoughts on “《Pokemon Go多次錯判 營運面臨的巨大危機》

  • fenixheat@gmail.com'
    八月 8, 2016 at 10:08 上午
    Permalink

    看老任突破傳統IP持有者觀念……
    -_-
    根本無可能發生喱種事……
    不過老任今次既表現似乎並無強力干涉開發者既行動,
    所以而家已經算係最佳情況。

    Reply
  • 2556199217@qq.com'
    八月 11, 2016 at 6:04 下午
    Permalink

    這相信只是個別高端玩家不滿,剛到台灣旅行看見熱潮正盛,遊戲改版維持盈利十分正常吧,沒金吸遊戲會更快結束運營…

    Reply

發表評論