《請用道理說服我 為何Hachi Hachi可以拎大獎》

文:添馬艦

 

  手機遊戲《HachiHachi》奪得最佳數碼娛樂獎,呢個聲稱「促進數碼娛樂」既公司搞既獎居然會頒比一隻完全抄Maimai》(俗稱「洗衣機」)既Game?,我唔知上面班人點諗,我淨係知我好心酸。

  一隻抄洗衣機既《HachiHachi》竟然可以拎大獎,我真係想問下評審係咪死亡筆記裡面個松田?

  我真心覺得呢篇文唔洗寫太多野,真係屌Hachi都廢事,評審既評語真係笑死朕:「認為《Hachi Hachi》原創成份較高,且充分地採用日式風格的音樂,以吸引年青玩家。同時遊戲亦加入世界級音響系統杜比立體聲,以增加玩家的興趣及享受,並利用音樂延時修正系統令舊型手機也能流暢運作,是貼心的安排。」

「原創成份較高」我認為跟本係為頒獎比「神魔之塔」鋪路,神魔抄完PAD都收集左好多人既想像力加入自己隻Game道,原創成份相對都有提升,都叫有d睇頭。隻Hachi既原創係邊呀?係咪d歌呀?定係d顏色呀?定係平台呀?我摸唔透,睇唔透。至於「利用音樂延時修正系統令舊型手機也能流暢運作」我就真係想問下評審係咪無玩過音樂手機遊戲?無既話捉開發商去打靶啦!呢d唔叫貼心,係應該!

 

Maimai
街機音樂遊戲 Maimai,因外觀設計似洗衣機,所以也被稱為「洗衣機」

仲有一句:「總結時評審表示,《HachiHachi》「有非常好的市場潛力」。」,人地隻Game個手機巿場都偷左,無發展潛力就假啦?我真係替「完美緝兇:奪命潛艇」呢隻Game唔抵,明明技術含量比Hachi高咁多仲要係VR遊戲都只係特別嘉許,隻Hachi抄Game拎到大獎真係好有問題。

我都想知道香港有好多遊戲公司,但係若然評審覺得無隻Game值得獲獎咪唔好頒囉,你頒比隻抄Game咪即係貶低其他遊戲?即係同人地講「成功靠抄襲」?呢個係咪香港既核心價值呀?

  你地係業界代表,我係小小蟻民,唔知我講既野你地會唔會聽。但我好肯定,如果你地業界犯下咁既錯誤一定有把人鬧,認受性下降,最後遭人唾棄,唔好問點解。

 

 


註譯:

1 香港數碼娛樂協會:於1999年成立,是一個由多間數碼娛樂公司所組成的非牟利機構,致力改善本地數碼娛樂公司的營商環境。

主要宗旨包括: 促進本地數碼娛樂業的技術發展,並製造具有國際競爭力的產品; 開拓新市場; 向大眾推廣電子遊戲的正面觀念; 杜絕盜版軟件,提倡使用正版軟件的意識;促進數碼娛樂與本地各行各業的溝通聯繫和互動性,包括玩具業、傳統娛樂業等。

香港數碼娛樂協會最初是由多間本地數碼娛樂公司所組成,主要目的是提供多元化的合作平台以擴闊營商空間。

 

相關新聞資料:

http://column.hkdoujin.com/?p=2949

http://column.hkdoujin.com/?p=1696

http://column.hkdoujin.com/?p=1301

One thought on “《請用道理說服我 為何Hachi Hachi可以拎大獎》

  • terrywany2k@twitter.example.com'
    五月 20, 2016 at 3:20 上午
    Permalink

    玩法本來就冇專利.. SEGA冇出mobile game咩? 點解自己唔official做一隻? 再講… PAD同神魔兩隻都係mobile game, 講到尾pad咪又係三消game變出黎? 而家最hit果隻彈咪又係view angle唔同既angry bird.. 而家唔係話臭蟲類.. 不過以你個觀點應該以後都唔會有下落式音game.. 甚至乎你玩唔玩音game都未知.. 我有打maimai又有打hachi hachi.. 第一次打我話你知係兩件唔同o既野.. 呢D剩係音game player先有資格講.. 咪睇到個圈一樣就以為係一樣…

    Reply

發表評論