《E3 2018 一場娛樂性超越遊戲嘅Show》
其實過去十幾年，業界不斷都有聲音指遊戲開發團隊為咗喺E3上攞到好成績而疲於奔命。AAA級遊戲大作嘅開發往往係以User Experience嘅完成度去衡量，假若開發出來嘅部份未如理想，砍掉重做亦係常有嘅事。所以要咁啱夾到正E3嘅展期，去完成可以令玩家滿意同值得期待嘅內容，實在係一個非常巨大嘅壓力。身為觀眾同玩家，你會希望每年熱熱鬧鬧一場show，定係寧願分散全年，各個廠商各自各精彩？
Read more
E3
《品味遊戲：去遊戲展睇Game不如識人》
今個星期，遊戲界最大嘅盛事都莫過於一年一度嘅E3遊戲展喇。睇番每年E3，傳媒嘅報導來來去去不外乎Sony、任天堂、Microsoft三大巨頭嘅新機動向，加埋一眾遊戲大廠嘅最新消息。可能就係因為太過集中報導呢方面嘅嘢，所以最近有朋友就話，年年E3都係差唔多，實在覺得好冇新意，好悶喎。
其實，對於業界嚟講，E3嘅價值絕對唔止係睇吓Game Trailer同睇次世代主機咁簡單。E3係全球最多媒體同讀者關注嘅遊戲展，所以响E3聚集嘅人亦係業界當中最優秀嘅精英。由於遊戲係一個非常依賴「人」嘅行業，所以對於做遊戲嘅人嚟講，E3同埋同類嘅遊戲展，最值錢嘅並非產品，而係「人」。