Supergiant

記得有朋友講過，「打波嘅遊戲就唔該唔好講故事啦！而家足球小將咩！」的確，市面上大部份球類遊戲都只係專注響比賽，離開咗比賽就冇乜特色可言。（砌隊已經唔算係特色）。對於追求即時反應同快感嘅玩家嚟講，「故事」根本就可有可無甚至係拖慢節奏。所以對於擅長講故事嘅美國獨立遊戲團隊Supergiant嚟講，想要做一個3對3，有少少《NBA Jam》味道嘅MOBA遊戲(Multiplayer Online Battle Arena)，首先要處理點將玩家討厭嘅嘢變成自己嘅一個優勢。